?

Log in

No account? Create an account

me, la 14-a de jan 2009, 13:49
Plendoj

Mia ĉefa plendo pri la stato de Esperanto hodiaŭ estas la ŝajne kreskanta influo de la angla vortstoke. Ŝajne parolantoj de la angla povas facile lerni la lingvon, kaj vere mi povas supozi la signifojn de multe da vortoj sen efektive lerni ilin. Ĉiam mi scivolas, kiel facile oni vere lernas la lingvon parolinte denaske ion krom la angla. Mi ja scias, ke ekzistas testamentoj pri tiuj ĉi aferoj, sed mi ankoraŭ pensas, ke mi havis maljustan avantaĝon.

Ankaŭ, ĉiam min ĝenis la fakto, ke ekzistas multe da verboj, kiuj memstare estas aŭ transitivaj aŭ netransitivaj, malgraŭ la ekzisto de la afiksoj, kiuj povas tion ŝanĝi. Pro tio, estas kelke da verboj, kies transitivecon mi neniam povas memori, sed mi supozas, ke tio ekzistis ekde la tempo de Zamenhof. Eble mi estas pretervidanta ion gravan, sed estas sufiĉe evidente, ke verboj netransitivaj ne devas finiĝi per -iĝ-. Eble estas sufiĉe logika ekspliko en la PMEG.

me, la 14-a de jan 2009, 00:45
Planoj

Mi studas Esperanton multe lastatempe, kaj mi pensas, ke mi faras ĝin por okupigi min. Sendistinge de la kialoj, mi nune povas komuniki per la lingvo tre facile, kaj mi pensas, ke mi estos bone preparita por instrui la lingvon al aliaj homoj. Mi planis la unuan renkontiĝon, kiu okazos venontmerkrede, kaj mi afiŝis ĉie afiŝojn por reklami la okazon. Espereble kelke de la kvin homoj, kiuj esprimis al mi intereson vere volas lerni iom de la lingvo. Eble ni vespermanĝos kune kaj tiel havos okazon por paroli aŭ Esperante aŭ nur pri Esperanto-rilataj aferoj. Mi nepre priparolos ĝin kun la homoj, kiuj venos al la renkontiĝo.

ve, la 9-a de jan 2009, 02:57
Elparolado, Piron, UK

Lastatempe, aŭskultante Radion Verdan, mi malkovris, ke mi malĝuste elparoladis la kombinaĵon de literoj "-uj". Kiam iu tie ĝin elparolis, ĝi estis dirata iomete kiel "-wi", dum mi ĝin elparolas preskaŭ kiel la finaĵon "-oj". Mi pensis pri tio iomete dum la lastaj tri semajnoj, sed hodiaŭ, mi aŭskultis unuafoje parolon de Claude Piron, kaj aŭdis, ke li ĝin elparolis preskaŭ ekzakte kiel mi ĝin elparolas. Estas bedaŭrinde, ke mi neniam estas aŭdinta lin paroli antaŭe, ĉar li estis genio. Eble mi lernis pri lia forpaso frue pasintjare, sed mi ne ĝin memoras, ĉar mi ne scias multe pri la viro krom lia nomo. Krome, mi ne ĉiam estadis la plej aktiva esperantisto tra tiuj ĉi jaroj. Tio min bedaŭrigis, eble stulte, ke neniam mi estas irinta al iu kongreso aŭ eĉ aŭskultinta la parolojn de esperantistoj famaj.

Bonŝance, kiel mi ankoraŭ anoncis en mia taglibro anglalingva, mi planas iri al la Universala Kongreso de Esperanto ĉi-jare en Bjalistok, Pollando, la naskiĝurbo de L. L. Zamenhof. Mi certas, ke ĉiuj legantoj ankoraŭ scias tion, sed mi kredas, ke ĝin diri necesas por substreki la gravecon de la afero. Espereble, mi gajnos sufiĉan monon por povi flugi Varsovien, poste iri trajne Bjalistoken, kaj poste trovi tranoktejon tie dum la tuta semajno. Por ligi ĉi tiun parton de la enskribaĵo kun la lasta, mi legis, ke la nura restanta parenco de Zamenhof ĉeestos la kunvenon, kvazaŭ mi ne antaŭe sufiĉe ege antaŭĝojis la okazon. Mi forte kredas, ke tiu ĉi UK celebranta la naskiĝon de Zamenhof mem antaŭ 150 jaroj en la urbo de tiu okazo estos unu el la plej memorindaj iam ajn, kaj mi fieregos partopreni.

me, la 7-a de jan 2009, 22:17
Nova taglibro, denove

Mi estas skribinta multe da taglibroj esperante pasintece, sed mi ĉiam ĉesis daŭre afiŝi al ili novaĵojn. Mi provis kun tiu ĉi krei aspekton sufiĉe rigardeblan kaj legeblan tiel, ke ĝisdatigi ĝin ne lacigus min tiom rapide. Mi neniam estas ŝatinta fari afiŝaĵojn al taglibroj malbelaj.

Do, kio novas?

Pasintmonate, mi decidis fondi Esperanto-klubon ĉe mia universitato. Mi decidis, ke mi nepre provu varbi tiom da homoj, kiom mi povas varbi. Kore, mi ankoraŭ estas finvenkisto. Mi ricevis jesajn respondojn de tri personoj el mia loĝejo, do mi jam estas esperema. Tamen, mi ne scias kion ni faros, ĉar neniu el ili povas paroli Esperanton. Ĉu mi instruu la lingvon al ili? Mi nepre povas provi, sed mi ne scias, ĉu mi estus bona instruisto. Ni vidos.